नगर अस्पताल उद्घाटन गर्दै देवदह नगरपालिका

रुपन्देही । रुपन्देहीको देवदह नगरपालिकाले नगर अस्पताल यहि असोज १० गते उद्घाटन गर्ने निर्णय गरेको छ। देवदह नगरपालिकाले १३२ औं कार्यपालिका बैठकमा देवदहकै गौरवको रुपमा रहेको देवदह नगर अस्पताल यहि असोज १० गते उदघाटन गर्ने निर्णय गरेको हो। स्थानीय निर्वाचन २०७९ पछि निर्वाचित जनप्रतिनिधिको पहिलो नगर सभामा प्रस्तुत निति तथा कार्यक्रममा नगर अस्पताल संचालन गर्ने सर्वसम्मत निर्णय भएको थियो। नगर कार्यपालिकाले गत साउन ३० गतेको बैठकको निर्णय अनुसार नगर अस्पताल संचालनको लागि आवश्यक पुर्वधार तयारी गरेको र १० बेडको नगर अस्पताल संचालन गर्न लागेको हो। बैठकले ११ सदस्यीय नगर अस्पताल संचालन तथा ब्यवस्थापन समिती गठन गर्ने निर्णय समेत गरेको छ।

देवदह नगरपालिकाको १३२ औं कार्यपालिका बैठकका निर्णयहरु :

१. देवदहकै गौरवको रुपमा रहेको देवदह नगर अस्पताल यहि असोज १० गते उदघाटन गर्ने निर्णय गरेको छ।
बैठकले ११ सदस्यीय नगर अस्पताल संचालन तथा ब्यवस्थापन समिती गठन गर्ने निर्णय गरेको छ।

६. सुरक्षित नागरिक आवास कार्यक्रम अन्तर्रगत एक देखि ब्राह वडा सम्मका १७५ लाभग्राहीहरुलाई सम्झौता अनुरुप पहिलो किस्ताको रकम उपलब्ध गराउने निर्णय गरेको छ।
७. देवदह नगरपालिकामा कार्यरत करारका कर्मचारीहरुलाइ योगदानमा आधारित सामाजिक सुरक्षा कोषमा आवद्ध गराउने निर्णय गरेको छ।