काठमाण्डौ – नेपाल १५ वर्षमुनिको महिला साफ च्याम्पियनशिपको शीर्ष स्थानमा पुगेको छ । लगातार तीन वटा खेल जितेर नेपाल नौ अङ्कसहित शीर्ष स्थानमा पुगेको हो । आज बुधवार बङ्गलादेशको ढाकामा भएको खेलमा भुटानलाई एक–शून्य गोल अन्तरले हराउँदै नेपालले शीर्ष स्थानमा रहेर फाइनल खेल्ने पक्का गरेको छ । नेपालले यसअघि पनि भुटानलाई सात–शून्य र बङ्गलादेशलाई एक–शून्य गोलले हराएको थियो । भुटानले चार वटै खेल हारेको छ भने बङ्गलादेशको ६ अङ्क रहेको छ । नेपालले उपाधिका लागि अब बङ्गलादेशसँग खेल्ने भएको छ । खेल पर्सि शुक्रबार हुनेछ ।
यो समाचार पढेर हजुरले कस्तो महसुस गर्नुभएको छ ??
