काठमाडौं । पछिल्लो २४ घण्टामा मुलुकभर एकै दिन थप १६ जनामा कोरोना संक्रमण पुष्टि भएको छ। पछिल्लो २४ घण्टामा १ हजार ८३७ जनाको आरटी पीसीआर र एन्टिजेन विधिबाट परीक्षण गर्दा १६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार ६ सय १४ जनाको पीसीआर विधिबाट परीक्षण गर्दा ९ जनामा कोरोना पुष्टि भएको छ। त्यस्तै १ हजार २२३ जनाको एन्टिजेन विधिबाट परीक्षण गर्दा थप ७ जनामा कोरोना पुष्टि भएको मन्त्रालयले जनाएको छ । योसँगै नेपालमा कोरोना संक्रमितको कुल संख्या ११ लाख ५२ हजार ९६७ पुगेको छ । योसँगै नेपालमा सक्रिय कोरोना संक्रमितहरुको संख्या ५ सय नाघेको छ ।
यो समाचार पढेर हजुरले कस्तो महसुस गर्नुभएको छ ??
