काठमाण्डौ । त्रिभुवन विश्वविद्यालयका सबै क्याम्पस आगामी मंसिर १ देखि ५ गतेसम्म बन्द हुने भएका छन्। अधिकांश क्याम्पसमा प्रतिनिधि सभा र प्रदेश सभा सदस्य निर्वाचनका लागि मतदान केन्द्र राखिएकाले आगामी मंसिर १, २ र ५ गतेसम्म विश्वविद्यालयका सबै क्याम्पस र कार्यालय बन्द हुने शुक्रबार त्रिवि रजिष्ट्रारको कार्यालयले एक सूचना निकाल्दै जानकारी गराएको हो ।
मंसिर ३ गते शनिबार परेको छ भने ४ गते निर्वाचनको दिन हो। बिहीबार बसेको त्रिवि कार्यकारी परिषदको बैठकले निर्वाचनका कारण विश्वविद्यालयका दैनिक काम कारबाहीमा असर पुग्ने भन्दै क्याम्पस तथा कार्यालयमा बिदा दिने निर्णय गरेको हो।
यो समाचार पढेर हजुरले कस्तो महसुस गर्नुभएको छ ??
