गुल्मीमा जीप दुर्घटना हुँदा ५ जनाको मृत्यु भएको छभने ४ जना घाइते भएका छन् । जिल्ला प्रहरी कार्यालय गुल्मीका अनुसार सत्यवती गाउँपालिका–३ ठूलो लुम्पेकबाट कुढडाँडाका लागि छुटेको लु ३ च ५३४० नम्बरको जीप कुढडाँडामा गएराति दुर्घटना भएको हो । दुर्घटनामा परेर गुल्मीको सत्यवती गाउँपालिका–३ का ५१ वर्षका झलक सोमै, ५५ वर्षका टीका राहादी, ४७ वर्षका रनबहादुर सिंजापती, ३० वर्षका मिलन तरामु र ४३ वर्षकी जमुना सोमैको ज्यान गएको प्रहरीले जनाएको छ । ४ जनाको घटनास्थलमै र घाइते सोमैको उपचारका लागि अस्पताल लैजाँदै गर्दा ज्यान गएको हो । अरु ४ जनालाई थप उपचारका लागि पाल्पा पठाइएको प्रहरीले जनाएको छ। घाइते ५ जनालाई थप उपचारको लागि पाल्पा पठाइएको छ ।
यो समाचार पढेर हजुरले कस्तो महसुस गर्नुभएको छ ??
