मकवानपुरको थाहा नगरपालिका–१२ मा कोदालो प्रयोग गरि एकजनाको हत्या गरिएको छ । गैरीगाउँ बस्ने ८९ वर्षीय आइत सिङ स्याङ्तानको हत्या गरेको आरोपमा प्रहरीले गैरिगाउँ घर भएका ३५ वर्षीय टाइसन गोलेलाई पक्राउ गरेको छ ।
आरोपीले कोदालोको बिडले हिर्काएर आइतसिंको हत्या गरेको प्रहरीको प्रारम्भिक अनुसन्धानबाट थाहा भएको छ । आरोपी र स्याङ्तानको बिचमा आपसमा भनाभन हुँदा टाइसनले कोदालोको बिड प्रहार गरेको जनाईएको क्झ।
कोदालोको बिँडले हिर्काउँदा गम्भीर घाइते भएका उनलाई उपचारका लागी काठमाडौँ स्थित ट्रमा सेन्टरमा ल्याइएको थियो। उपचारको क्रममा उनको मृत्यु भएको जिल्ला प्रहरी कार्यालय मकवानपुरले जनाएको छ । घटनाबारे इलाका प्रहरी कार्यालय पालुङले अनुसन्धान गरिरहेको छ ।
यो समाचार पढेर हजुरले कस्तो महसुस गर्नुभएको छ ??
