प्रतिनिधि सभातर्फको समानुपातिक निर्वाचनमा नेकमा एमालेले २० लाखभन्दा धेरै मत प्राप्त गरेको छ । पछिल्लो विवरण अनुसार एमालेले २० लाख ११ हजार ८ सय ८० मत प्राप्त गरेको निर्वाचन आयोगले सार्वजनिक गरेको तथ्याङ्कमा उल्लेख छ । दोस्रोमा रहेको नेपाली कांग्रेसले १९ लाख ४३ हजार ४ सय २९ मत प्राप्त गरेको छ भने नेकपा माओवादी केन्द्रले ८ लाख ७० हजार ५ सय ९ मत ल्याएको छ ।
यसैगरी राष्ट्रिय स्वतन्त्र पार्टीले ८ लाख ३५ हजार १ सय ४३, राष्ट्रिय प्रजातन्त्र पार्टीले ४ लाख ४३ हजार ५० र जनता समाजवादी पार्टीले २ लाख ३९ हजार ९ सय ७२ मत प्राप्त गरेको निर्वाचन आयोगले जनाएको छ ।
यो समाचार पढेर हजुरले कस्तो महसुस गर्नुभएको छ ??
