झापा क्षेत्र नं १ बाट नवनिर्वाचित प्रतिनिधि सभा सदस्य तथा नेपाली कांग्रेसका महामन्त्री विश्वप्रकाश शर्माले अर्का महामन्त्री गगनकुमार थापालाई प्रधानमन्त्री बनाउने अभियान सुरु गर्ने बताएका छन। थापाको घरमा बधाई ज्ञापन गर्न गएका शर्माले गगन थापालाई सांसद भएकोमा बधाई दिनका लागि मात्रै नआएको भन्दै प्रधानमन्त्री बनाउने अभियान सुरु गर्नका लागि आएको बताएका हुन ।
महामन्त्री शर्माले गगन थापालाई संसदीय दलको नेता बनाउन पार्टीभित्रका शीर्ष नेता र सांसदसँग छलफल अगाडि बढाउने पनि बताएका छन । न्युज एजेन्सी नेपालसँगको कुराकानीमा उहाँले गगन थापालाई संसदीय दलको नेताका लागि पार्टी सभापति शेरबहादुर देउवा र वरिष्ठ नेता रामचन्द्र पौडेललगायतको समर्थन जुटाउनु आफ्नो जिम्मेवारी र कर्तव्य भएको पनि बताएका थिए । थापाले पनि शर्मालाई बधाई तथा शुभकामना दिएका थिए।
यो समाचार पढेर हजुरले कस्तो महसुस गर्नुभएको छ ??
654
217
560
