अर्घाखाँचीको छत्रदेव गाउँपालिकामा श्रीमतीले आफ्नै श्रीमानको हत्या गरेकी छिन । ७७ वर्षीय श्रीमान् बलबहादुर सार्कीको हत्या गरेको भन्दै छत्रदेव गाउँपालिका वडा नम्बर १ चिदिका तुमचौरकी लक्ष्मी नेपालीलाई प्रहरीले पक्राउ गरेको हो ।
घरायसी झगडा हुँदा बलबहादुरले श्रीमतीलाई कुटपिट गरेका थिए। रिसमा लक्ष्मीले आफूले कम्मरमा बाँधेको पटुकाले श्रीमानको घाँटीमा कसेर हत्या गरी घरको तलामा झुण्डाएर आफुलाई श्रीमानले कुटपिट गरेको भन्दै गाँउलेसंग गुहार माग्न हिडेकी थिईन ।
पछि अनुसन्धान गर्दै जादा श्रीमतीले नै बलबहादुरको घाँटीमा पटुकाले पासो लगाएर हत्या गरेको खुलेको प्रहरीको भनाई छ । सार्की दाम्पतीले झगडा हुनुअघि रक्सी खाएको पनि भेटिएको जिल्ला प्रहरी कार्यालय अर्घाखाँचीका प्रमुख प्रहरी नायव उपरीक्षक मुकुन्द रिजालले जानकारी दिएका छन ।
यो समाचार पढेर हजुरले कस्तो महसुस गर्नुभएको छ ??
