पर्साको ठोरी गाउँपालिकामा ३६३ किलो गाँजा बोकेको ट्रकलाई सशस्त्र प्रहरीले नियन्त्रणमा लिएको छ। ठोरी ३ स्थित ठुटेखोला इलाकाबाट सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीको विशेष सूचनाको आधारमा बिओपी ठोरीले ना ख ६५५५ नम्बरको ट्रकलाई नियन्त्रणमा लिएको हो।
मकवानपुरको हेटौडाबाट पर्साको विजय बस्तीतर्फ जाँदै गरेको उक्त ट्रकमा फल्सबटन बनाएर २२ वटा कार्टुनमा प्याक गरेको अवस्थामा फेला परेको थियो । उक्त ट्रकका चालक सशस्त्र प्रहरीलाई देखेपछि ट्रक छाडेर फरार भएका छन । बरामद गाँजा तथा ट्रक आवश्यक कारवाहीको लागि ईलाका प्रहरी कार्यालय ठोरीमा बुझाइएको छ।
यो समाचार पढेर हजुरले कस्तो महसुस गर्नुभएको छ ??
