काठमाण्डौंको प्रदर्शनीमार्ग स्थित आरआर क्याम्पसमा विद्यार्थीबीच झडप हुदाँ ४ जना घाईते भएका छन । स्ववियु निर्वाचनका विषयमा विद्यार्थी संगठनका नेताहरुबीच विवाद हुँदा खुकुरी प्रहारबाट आरआर क्याम्पस अनेरास्ववियुका अध्यक्ष मदन भण्डारीमाथि खुकुरी प्रहार भएको विद्यार्थी नेताहरुले बताएका छन।
उनीसंगै केही विद्यार्थी नेताहरु पनि घाइते भएका छन् । स्ववियु चुनावको विषयमा विद्यार्थी संगठनका नेताहरुबीच झडप हुँदासंगठनको अध्यक्ष कसलाई बनाउने भन्ने विषयमा छलफलको क्रममा उनीहरुबीच विवाद भएको थियो । अध्यक्ष भण्डारीको अवस्था भने चिन्ताजनक रहेको बताईएको छ । घाइतेहरुको अहिले काठमाण्डौ मोडेल अस्पतालमा उपचार भइरहेको छ ।
आरआर क्याम्पसका स्ववियु सभापति तपेन्द्रबहादुर शाहीले खुकुरी प्रहार गर्ने ४ जनालाई प्रहरीले नियन्त्रणमा लिएको र उनीहरु आरआर क्याम्पसका विद्यार्थी संगठनमा नरहेको बताउनुभयो । उहाँले आरआरमा खुकरी प्रहार गर्नेहरु रहेको खण्डमा निलम्बन गर्नेपनि बताउनुभयो ।
