बुटवल//
बुटवल अमरपथमा स्थानीय तीन युवा व्यवसायीहरु मिलेर पन्थ पौडेल एण्ड भुसाल सुनचाँदी पसल संचालनमा ल्याएका छन् । बुटवल नगरिमै ब्यवसायी सफलता प्राप्त गर्नका लागि तीनभाई मिलेर सुनचाँदीको व्यवासाय आजदेखि सुरु गरेका हुन् । सुनचाँदी पसलको देवदह उद्योग बाणिज्य संघका अध्यक्ष हरि भण्डारीले उद्घाटन गर्नुभयो । पसलको उद्घाटन गर्दै अध्यक्ष भण्डारीले वर्तमान अवस्थामा देखिएको आर्थिक तरलताले ब्यवसायिक समस्या निम्त्याएको भन्दै यसतर्फ राज्यले ध्यान दिन जरुरी रहेको बताउनुभयो ।
उहाँले व्यवसायीक सफलताका लागि तीन व्यवसायी मिलेर उदाहरणीय कार्य गर्नु पर्ने शुभकामना दिनुभयो । स्थानीय गोविन्द पन्थ, दिपक पौडेल र लक्ष्मण भुसालले नयाँ व्यवस्थापनका साथमा अमरपथ सिंह कम्प्लेक्स पश्चिममा पन्थ पौडेल एण्ड भुसाल सुनचाँदी पसल संचालनमा ल्याएको बताउनुभयो । आधा दर्जन जनशक्तिलाई रोजगारी दिएको पसलमा अत्याधुनिक आभुषणहरु निर्माण गर्नुका साथै ग्राहकमुखी भएर सेवा दिने उद्देश्य आफ्नो व्यवसायको रहेको संचालक गोविन्द पन्थले जानकारी दिनुभयो ।
