बुटवल ।
खड्ग प्रसाद गौचन स्मृति पाँचौ यु–१९ राष्ट्रिय क्रिकेट प्रतियोगितामा मदन भण्डारी स्पोर्टस् एकेडेमी विजयी भएको छ । बिहीबार भएको खेलमा न्यू होराइजन क्रिकेट एकेडेमीमाथि मदन भण्डारीले ६ विकेटको जीत निकालेको हो । देवदह क्रिकेट मैदान शितलनगरमा भएको खेलमा टस जितेर न्यू होराइजनले २१ दशमलव २ ओभरमा सबै विकेट गुमाउँदै १०२ रनको लक्ष्य खडा गरेको थियो । मध्यम लक्ष्यलाई मदन भण्डारीका ब्याट्सम्यानहरुले २१ द्शमलव १ ओभरमा ४ विकेटको नोक्सानीमा लक्ष्य भेटाए । न्यू होराइजनका अमर मिश्रले २ तथा सुमिद पराजुलीले १ विकेट लिए। खेलमा मदन भण्डारीका सागर भण्डारीले म्यान अफ द म्याचबाट पुरस्कृत भए ।
त्यसै गरी समूह ‘ए’ को अन्तिम खेलमा सेन्टर क्रिकेट एकेडेमी कास्की विजयी भएको छ । सेन्टरले स्टार क्रिकेट एकेडेमीमाथि ४७ रनको जीत निकालेको हो। सेन्टरका सिब्रिन श्रेष्ठ म्यान अफ दी म्याचबाट पुरस्कृत भए । प्रतियोगिता अन्र्तगत शुक्रबार समुह ‘बी’ को न्यू होराईजन एकेडेमी र क्रिकेट एक्सेलेन्स सेन्टर काठमाण्डौ तथा धनगढी क्रिकेट एकेडेमी र मदन भण्डारी स्पोर्टस् एकेडेमीका बीचमा खेल हुनेछ ।
