काठमाण्डौ ।
कलाकार करिष्मा मानन्धरको मानहानी गरेको आरोपमा पक्राउ डिल्लीराम खनाल पक्राउ परेका छन । साथै उनीमाथी अनुसन्धान गर्न चार दिन म्याद समेत थपिएको छ। तीनकुने गैरीगाउँ बस्ने ४६ वर्षीय खनाललाई काठमाडौंको नयाँ बानेश्वरबाट पक्राउ गरिएको थियो। साइबर ब्युरोका प्रवक्ता एसपी पशुपति रायका अनुसार काठमाडौं जिल्ला अदालतले उनीमाथि अनुसन्धान गर्न चार दिन म्याद थप गरिएको हो ।
मानन्धरले आफूलाई मानहानी गरेको भन्दै उनले गत माघ २४ गते नेपाल साइबर ब्युरोमा उजुरी दिएकी थिइन्। न्यू अनलाइन टिभीको एक अन्तर्वार्तामा डिल्लीराम खनालले मानन्धर अमेरिकामा एक जना पुरूषसँग लिभिङ टुगेदरमा बसेको बताएका थिए। उक्त भिडिओको क्लिप सामाजिक सञ्जालमा राख्दै उनले साइबर ब्युरोमा उजुरी गरेकी हुन ।
यो समाचार पढेर हजुरले कस्तो महसुस गर्नुभएको छ ??
