२२ फागुन, रुपन्देही ।
रुपन्देहीको सैनामैनामा झारफुक गर्ने बहानामा कुटपिट गरी हत्या गर्ने एक महिलालाई प्रहरीले पक्राउ गरेको छ । सैनामैना १० बेमतेनी बस्ने बर्ष २२ की आफुलाई झाक्री बताउने सोनिया रेश्मीलाई पक्राउ गरिएको ईलाका प्रहरी कार्यालय सालझण्डीले जनाएको छ । झिमझिमेकी १४ बर्षिय सिता ज्ञवालीलाई झारफुक गर्ने बहानामा कुटपिट गर्दा उनको गत शनिबार मृत्यु भएको प्रहरीको भनाई छ ।
मृतकको शव सोही राती नै दाहसंस्कार गरी सकिएको भन्ने सुचनाको आधारमा प्रहरीको टोली घटनास्थल पुगेको थियो। रेश्मीलाई पक्राउ गरी जिल्ला अदालतबाट ७ दिन म्याद थप गरी आवश्यक अनुसन्धान कार्य भईरहेको प्रहरीले जनाएको छ।
यो समाचार पढेर हजुरले कस्तो महसुस गर्नुभएको छ ??
