२६ फागुन, दाङ ।
रोल्पामा ट्रयाक्टर दुर्घटना हुँदा एक जनाको मृत्यु भएको छ भने ७ जना घाईते भएका छन । दुर्घटनामा परी सल्यान कुमाख गाउँपालिका(६ का ३२ वर्षीय टोपबहादुर बिकको उपचारका क्रममा मृत्यु भएको रोल्पाका प्रहरी प्रमुख डिएसपी श्यामकुमार सारु मगरले जानकारी दिनुभएको छ । रोल्पाको त्रिवेणी गाउँपालिका(२ दहवनस्थित शहीद मार्ग हुँदै भाङ्गोबारी तर्फ जाँदै गरेको रा १ त १७२५ नम्बरको ट्रयाक्टर बुधबार बेलुका ८ बजेतिर दुर्घटना हुँदा आठ जना घाइते भएका थिए।
घाइते सबैलाई उपचारका लागि दाङ ल्याइएकोमा सल्यानका बिकको उपचारका क्रममा मृत्यु भएको हो। उनीहरू सबै सडकको काम गर्न जान लागेको मदजुरहरू रहेको प्रहरीले बताएको छ। ट्रयाक्टर सडकदेखि करिब १५ मिटर तल खसेको थियो । चालक २९ वर्षीय नविन चौधरीलाई प्रहरीले नियन्त्रणमा लिएको छ । घाईते भएका ७ जनाको भने उपचार भईरहेको छ ।
