काठमाण्डौ ।
२२औँ संस्करणको तिलोत्तमा गोल्ड कप फुटबलमा मनाङ मर्स्याङ्दी क्लब फाइनलमा पुगेको छ । बुटवलको देवीनगरस्थित एन्फा टेक्निकल सेन्टरमा भएको दोस्रो सेमिफाइनलमा फ्रेन्ड्स क्लबलाई पेनाल्टीमा ४–३ गोलले हराउँदै फाइनलमा पुगेको हो । २–२ गोलको बराबरीमा सकिएपछि खेल पेनाल्टीमा पुगेको हो। अब उपाधिका लागि मनाङले शनिबार सुदूरपश्चिम–११ सँग खेल्ने भएको छ । बुधबार थ्री स्टार क्लबलाई १–० गोलले हराउँदै सुदूरपश्चिम फाइनलमा पुगेको हो । तिलोत्तमा गोल्ड कपको उपाधि विजेताले ११ लाख ११ हजार १ सय ११ र उपविजेताले ५ लाख ५५ हजार ५ सय ५५ रुपैयाँ नगद प्राप्त गर्नेछन् ।
यो समाचार पढेर हजुरले कस्तो महसुस गर्नुभएको छ ??
