रुपन्देही ।
रुपन्देही जिल्ला अन्तर्गत विभिन्न स्थानहरुबाट विभिन्न मितिमा सुनचाँदीका गरगहना तथा नगद चोरी गर्ने व्यक्तिहरुलाई प्रहरीले पक्राउ गरेको छ । जिल्ला प्रहरी कार्यालय रुपन्देहीबाट खटिएको प्रहरी टोलीले बुटवल १३ जितगढीमा रहेको कालिगण्डकी होटलबाट चोरीमा संलग्न ७ जनालाई पक्राउ गरेको हो । पक्राउ पर्नेमा पर्सा विरगञ्ज महानगरपालिका १९ बस्ने बर्ष ३२ का उत्तम प्रसाद यादव, वडा नंम्बर २० बस्ने बर्ष २० का राकेश सिंह राठौर र सैल राय, बर्ष १५ बर्षिय एक बालक, पर्सा पटेर्वा सुगौली ४ वस्ने बर्ष १९ को सन्दिप राय नट, सुगौरी ४ वस्ने बर्ष ३२ को राजेश राय नट र पर्सा ९ बस्ने बर्ष ३४ का रामबहादुर राय रहेको प्रहरीले जनाएको छ ।
उनीहरुको साथबाट सुनको सिक्री ४ थान, टुटेको सिक्री २४ क्यारेट ( सुन तौल ८.०६ ग्राम),डबल रिङ सिक्री २४ क्यारेट सुन तौल १७.४१ ग्राम, सादा सिक्री २४ क्यारेट सुन तौल ११.३७ ग्राम,लकेट सहितको सादा सिक्री २४ क्यारेट सुन तौल ९ ग्राम, चाँदीको सिक्री १ थान तौल ३६.७४ ग्राम, ५६ हजार रुपैयाँ र विभिन्न कम्पनिका ८ थान मोवाईल बरामद गरिएको छ। पक्राउ परेकाहरुलाई जिल्ला अदालत रुपन्देहीबाट ५ दिन म्याद थप अनुमती लिई थप अनुसन्धान कार्य भईरहेको रुपन्देही प्रहरीले जनाएको छ ।
