अजय मिश्र, कपिलवस्तु ।
न्यूयोर्कमा द ब्रुकलिन च्याम्बर अफ कमर्शले राखेको कार्यक्रममा द यूनाइटेड नेशन्स वाटर कान्फ्रेन्समा नेपाल सरकारका तर्फबाट प्रतिनिधित्व गरेका खानेपानी मंत्री अब्दुल खानले नेपालको जलस्रोतको बारेमा उठान गरेको बिषय सराहनीय रहेको लुम्बिनी प्रदेश मदरसा व्यवस्थापन समिति उपाध्यक्ष मौलाना मशहूद खां नेपालीले बताउनुभएको छ । खानेपानी मन्त्री अब्दुल खानले विश्वका अरू देशहरूमध्ये नेपालमा उत्कृष्ट खानेपानीको श्रोत रहेको, नेपाल भौगोलिक रूपमा कठिन रहेता पनि प्रकृतिले पूर्ण रूपमा सजाएको, नेपालको प्रकृतिकसंग रमाउन तथा जिवनको नयाँ अनुभुति लिनका लागि विश्वका प्राय सबै देशबाट पर्यटकहरू नेपाल आउने गरेको, नेपालमा धेरै संभावनाहरू रहेका छन् तर ति संभावनाहरूलाई अमेरिकामा रहेका व्यापारीहरूले सहयोग गरि नेपालको खानेपानी, भौतिक सामग्रीका साथै कृषि जन्य पदार्थ नेपालबाट अमेरिका लाई विश्व बजार पुर्याउन मन्त्री खानले अनुरोध गर्नुभएको थियो ।
मंत्री खानले बताए अनुसार नेपालको प्रकृतिक स्रोत साधनको राम्रो प्रस्तुति विश्व सामु गरेको तथा नेपालमा उत्कृष्ट पानीको स्रोत रहेको नेपालमा पानीको स्रोत पहिचान गरि विश्व बजारमा पुर्याए आर्थिक रूपमा समेत फाइदा पुग्ने मशहूदले बताउनुभयो । नेपाल प्रकृतिक, सांस्कृतिक, भौगौलिक, जैविक विविधता रूपमा धनी देश रहेको तथा त्यस्ता तमाम सम्भावनाहरूको पहिचान गरि सरकारले उचित कदम उठाई विश्व बजारको माग अनुसार वस्तु उत्पादन गर्नुपर्ने आजको आवश्यकता रहेको उपाध्यक्ष मौलाना मशहूद खां नेपालीले बताए िसाथै राष्ट्रीय मदरसा संघ नेपालका उपाध्यक्ष शैख जैस मक्कीले समेत मंत्री खानले उठाएको कुरा प्रशंसनीय रहेको बताउनुभयो ।
