भैरहवा।
जिल्ला प्रहरी कार्यालय रुपन्देहीले अबैध रुपमा चोरी प्रठारी गरी ल्याउदै गरेको २ लाख रुपैया बराबरको करिब ३ हजार २ सय पिस कुखुराको चल्ला बरामद गरेको छ। जिल्ला प्रहरी कार्यालय रुपन्देहीबाट खटिएको प्रहरी टोलीले बुधबार करिब ६ः०० बजेको समयमा जिल्ला रुपन्देही रोहिणी गाउँपालिका वडा नं. २ मैनिहवा स्थितमा भारत बाट नेपाल तर्फ चोरी पैठारी गरी ल्याउदै गरेको बेवारिसे अवस्थामा ४० वटा काटुनमा ३२०० वटा बोईलर कुखुराको चल्ला बरामद गरेको हो। करिब २ लाख मुल्य पर्ने कुखुराको चल्ला बरामद गरी आवश्यक कारवाहीको लागी पशु क्वारेन्टाइन चेक पोष्ट कार्यालय वेलहियामा पठाइएको जिल्ला प्रहरी कार्यालय रुपन्देहीका प्रबक्ता श्यामु अर्यालले जानकारी दिनुभएको छ।
यो समाचार पढेर हजुरले कस्तो महसुस गर्नुभएको छ ??
