कञ्चन ।
रुपन्देहीको भैरहवाबाट सुनचाँदीका विभिन्न गरगहना चोरी गर्ने ब्यक्तिहरु पक्राउ परेका छन। जिल्ला प्रहरी कार्यालय रुपन्देहीका अनुसार यही जेठ १० गते करिब दिउस १ः३० बजेको समयमा सिद्धार्थनगर नगरपालिका वडा नं ८ स्थित मोहम्मद कुद्धुस मुसलमानको घरमा ताला फोडी सुन चाँदीका विभिन्न गरगहना तथा नगद रकम चोरी भएको भन्ने सूचनाको आधारमा अनुसन्धान गर्ने क्रममा जेठ १९ गते शुक्रबार सांझ ५ः३० बजेको समयमा भारत जिल्ला महाराजगंज थाना फरेन्दा घर भई हाल जिल्ला रुपन्देही सि.न.पा. वडा नं १ बेलहिया बस्ने वर्ष ३४ को सुधिर कुमार यादव र अर्का एकजनालाई पक्राउ गरिएको हो।
उनीहरुको साथबाट सुनको जस्तो देखिने पहेलो धातुको हार तौल गर्दा अन्दाजी ३१.६७ ग्रामको थान १, ९.४८ ग्रामको मागरिका थान १, तौल गर्दा ३.९ ग्रामको कटौरी बाली थान, ०.१९ ग्रामको ढंके फुलि २ थान, तौल गर्दा १.७२ ग्रामको जलिदार फुलि थान ५, ०.५६ ग्रामको ॐ लेखेको लकेट तौल गर्दा थान प्रहरीले बरामद गरेको छ। जिल्ला प्रहरी कार्यलय रुपन्देहीका प्रवक्ता श्यामु अर्यालद्वारा प्रेस विज्ञप्ती अनुसार निजहरुलाई थप अनुसन्धानकै क्रममा चाँदी जस्तो देखिने सेतो धातुको करिब तौल गर्दा १४३ ग्राम पायल थान २ र करिब १०० ग्राम बराबरको चाँदी जस्तो देखिने सेतो धातुको खुट्टामा लगाउने थान २ थान पायल बरामद भएको छ। यसबारे थप अनुसन्धान भईरहेको प्रहरीले जनाएको छ ।
