रुपन्देही।
भारतको गोरखपुरमा लेडी डन को नामले चर्चामा रहेकी गीता तिवारी भैरहवाबाट पक्राउ परेकी छिन।तिवारीलाई रुपन्देही प्रहरीले विभिन्न चोरीको घटनामा संलग्न रहेको आरोपमा पक्राउ गरेको हो। चोरी, लुटपाट, हत्यालगायतका घटनामा संलग्न रहेको आरोपमा भारतीय प्रहरीको हिरासतमा रहेकी उनी धरौटीमा रिहा भएकी थिइन। तिवारी भैरहवामा भएको सिलसिलेवार चोरी घटनाकी मुख्य आरोपी रहेको रुपन्देही प्रहरी प्रमुख एवम् प्रहरी उपरीक्षक भरतबहादुर विश्वकर्माले बताउनुभयो ।
भारतको गोरखपुर बस्ने ४३ वर्षीया गीता तिवारीले बिभिन्न स्थानबाट सुनका गरगहनासहित लाखौ रुपँया, मोटरसाईकल,स्कुटर लगायतका सामान चोरी गरेको घटनामा संलग्न रहेको प्रहरीको भनाई छ । पक्राउ परेकी तिवारीलाई चोरी तथा डाकासम्बन्धी कसुरमा पाँच दिन म्याद थप गरी अनुसन्धान भइरहेको उहाँले बताउनुभयो। यस्तै हातहतियार तथा खरखजनासम्बन्धी कसुरमा समेत अनुसन्धान भइरहेको विश्वकर्माको भनाइ छ । तिवारीका समूहका अन्य सदस्यको समेत खोजी भइरहेको उहाँले बताउनुभयो।
