काठमाडौं।
बाँके जिल्लाको नरैनापुरस्थित राप्ती नदिको भंगालोमा फसेका २६ जनाको सकुशल उद्धार गरिएको छ। सशस्त्र प्रहरीले साउन ९ गते बेलुका उनीहरुलाई सकुशल उद्वार गरेको हो। सशस्त्र प्रहरी बल नेपाल नं। ३० बागेश्वरी गण बाँके र बिओपी गंगापुरबाट विपद् व्यवस्थापन तालिम प्राप्त सशस्त्र प्रहरीको टोलीले उनीहरुको सकुशल उद्वार गरेको हो। नरैनापुर गाउँपालिकाकै मटैहिया, नवाजीगाउँ, जमुनी र गंगापुरका स्थानीय वासिन्दाहरु भारतको जमुनाह बजारबाट नेपाल फर्कने क्रममा एक्कासी नदिको वहाव बढेपछि भंगालोमा फसेका थिए।
यो समाचार पढेर हजुरले कस्तो महसुस गर्नुभएको छ ??
