पाल्पा ।
पाल्पामा ट्र्याक्टर दुर्घटना हुँदा एक जनाको मृत्यु भएको छ भने पाँच जना घाइते भएका छन् । जिल्लाको माथागढी गाउँपालिका–२ बाँसटारी झडेवा सडकको भित्री खण्डमा ग्याबिङ जाली बोकेको लु ४ त ६६३२ नम्बरको ट्र्याक्टर अनियन्त्रित भइ सडक छेउको पिल्लरमा ठोक्किएर मंगलबार हिजो बेलुकी दुर्घटना भएको हो । उक्त दुर्घटनामा परी माथागढी–२ दोहोराका ३८ वर्षीय वेदप्रसाद भुसालको ज्यान गएको जिल्ला प्रहरी कार्यालय, पाल्पाले जनाएको छ । दुर्घटनामा घाइते भएका अन्य ५ जनाको लुम्बिनी मेडिकल कलेज, प्रभासमा उपचार भइरहेको छ ।
यो समाचार पढेर हजुरले कस्तो महसुस गर्नुभएको छ ??
