देवदह।
देवदह जेसीजले आठौं स्थापना दिवस मनाएको छ । देवदह जेसिजले आफ्नो ८ औं स्थापना दिवसको अवसरमा मंगलबार विभिन्न कार्यक्रम गरी मनाएको हो। देवदह जेसिज बर्ष २०२३ का अध्यक्ष जेसि दुर्गा दाहालको अध्यक्षता र नेपाल जेसिज बर्ष २०२३ का रास्ट्रिय उपाध्यक्ष जेसी चन्द्रमणी भुसालको प्रमुख आतिथ्यतामा शाखाले तिलोत्तमा नगरपालिका स्थित इस्कोन तिलोत्तमा गौशालामा एक मोटरसाइकल हस्तान्तरण गरेको छ । गौशालामा गौसेवामा सहयोग पुग्ने उद्देश्यले करिब चार लाख मुल्य पर्ने यामाहा कम्पनीको एक मोटरसाइकल हस्तान्तरण गरेको संस्थाका अध्यक्ष जेसी दुर्गा दाहालले बताउनु भयो।
त्यसैगरी स्थापना दिवसकै अवसरमा संस्थाले बुधबार देवदह नगरपालिकामा आउने सेवाग्राहीलाई लक्षित गरी नगरपालिकाको प्रतीक्षा कक्षमा जेसीज पुस्तकालय स्थापना गरेको छ। देवदह नगरपालिकाका नगरप्रमुख ध्रुवप्रसाद खरेलको प्रमुख आतिथ्यता र प्रमुख प्रशासकिय अधिकृत कृष्णप्रसाद सापकोटाको विशिष्ट आतिथ्यतामा उक्त पुस्तकालय स्थापना गरेको हो । कार्यक्रम बर्ष २०२३ का महासचिव जेसी आनन्द पराजुलीको सन्चालनमा सम्पन्न भएको थियो।
