देवदह।
हिमालयन लाईफ ईन्स्योरेन्स लिमिटेड देवदह शाखाले तिज विशेष तथा सम्मान कार्यक्रम सम्पन्न गरेको छ। हिमालयन लाईफ ईन्स्योरेन्स लिमिटेड खैरेनी शाखाका शाखा प्रबन्धक दिनेश चौधरीको अध्यक्षतामा भएको कार्यक्रम कम्पनीका लुम्बिनी प्रदेश उपप्रमुख शिव कुमालको प्रमुख आतिथ्यतामा सम्पन्न भएको हो। कार्यक्रममा बोल्दै कम्पनीका उपप्रमुख शिव कुमाले एजेन्सी पेसा समाजसेवा संगै आय आर्जन गर्ने माध्यम रहेको बताउनु भयो। उहाले एजेन्सी लिडरहरुमा सम्मानले काम गर्न थप उर्जा जागोस भन्ने शुभकामना समेत दिनुभएको थियो। हिमालयन लाईफ ईन्स्योरेन्स लिमिटेड देवदह शाखाले आउदै गरेको तिजको अवसर पारी तिज विशेष तथा आर्थिक बर्ष २०७९/८० मा एजेन्सी म्यानेजर कनफ्रेन्समा उत्कृष्ट ब्यवसाय गरि सेल्फ बिजनेस बाट टप ५ भित्र पर्न सफल महेश्वर चौधरी थारु, सुरेश चौधरी, तुल प्रसाद चौधरी, राम बहादुर थारु लाई सम्मान गरिएको थियो। त्यस्तै टिम बिजनेस बाट टप ५ भित्र पर्न सफल राम बहादुर थारु, मेहेश्वर चौधरी थारु, सरोज चौधरी, गिता चौधरी, तिल्सी प्रसाद चौधरीलाई कार्यक्रमका प्रमुख अतिथि लुम्बिनी प्रदेशका उपाध्यक्ष शिव कुमाल, उपप्रमुख नहकुल पाण्डे लगाएतले टिका, खादा र सम्मान पत्रले सम्मान गर्नुभएको थियो।
