देवदह ।
रोट्रयाक्ट क्लब अफ तिलोत्तमा देवदहले विश्व शान्ति दिवसको अवसर पारेर रुपन्देहीको देवदह नगरपालिकामा रहेको ब्रम्हाकुमारी ईश्वरीय विश्व विद्यालय योग साधना केन्द्रमा योग साधना कार्यक्रम सम्पन्न गरेको छ। कार्यक्रममा बोल्दै ब्रम्ह कुमारी इश्वरीय विश्व विद्यालय योग साधना केन्द्रका संचालक सीता भण्डारी (दिदि) ले देवदह मै पहिलो पटक हाम्रो संस्थालाई योग साधनाका लागि रोजेकोमा क्लब प्रति आभार व्यक्त गर्नुभयो। उहाले योग साधनाले शरीरमा एक प्रकारको ऊर्जा सँगै दैनिक जिवनमा एउटा सम्बन्धको विस्तार गर्ने धारणा व्यक्त गर्दै दुःखलाई सुखमा परिवर्तन गर्न सर्वप्रथम आफ्नो मन परिवर्तन गर्नुपर्ने बताउनुभयो ।
कार्यक्रममा बोल्दै रोट्रयाक्ट क्लब अफ तिलोत्तमा देवदहका अध्यक्ष रोट्रयाक्टर विक्रम भुसालले क्लबका लागि कार्यक्रम आयोजना गर्न यो सहयोग गरेकोमा ब्रम्हकुमारी इश्वरीय विश्व विद्यालय योग साधना केन्द्र परिवारलाई धन्यवाद ब्यक्त गर्दै आगामी दिनहरूमा पनि क्लबले यस सस्था संग आबद्ध भएर अगाडि बढ्ने प्रतिवद्धता व्यक्त गर्नुभएको थियो । क्लबका सदस्य रो.मनिष ज्ञवालीको सम्योजक्तोमा भएको उक्त कार्यक्रममा जोन २२ का जेड आर आर सुनिल गिरी , वर्ष २३\२४ का अध्यक्ष विक्रम भुसाल, क्लबकी सचिव ललिता घिमिरे, क्लबका सदस्य कमल थापा, सुशिल अर्याल, सौगात शर्मा ,चन्दा पंगेनी, प्रिती यादव लगायतको सहभागिता रहेको थियो।
