बुटवल । रोट्याक्ट क्लब अफ तिलोत्तमाले बडादशैंको पूर्वसन्ध्यामा म्युजिकल फेस्टिवल आयोजना गर्ने भएको छ। गरीव तथा विपन्न वर्गको सहयोगार्थ र भैरहवा स्थित लायन्स क्लब अफ भैरहवाले ब्लड बैंक स्थापनाको लागि निर्माणाधीन भवनलाई केही मात्रामा भए पनि सहयोग गर्ने उद्देश्य सहित विजया दशमीको पुर्व सन्ध्यामा यहि असोज २६ गते मंगलापुरको बोधिबिल्ला रिसोेर्टमा कार्यक्रम आयोजना गरिएको क्लवका अध्यक्ष कमल अर्यालले जानकारी गराउनुभएको हो।
भलबारी स्थित सुनगाभामा रिसोर्टमा आज सम्पन्न पत्रकार सम्मेलनमा बोल्दै क्लवका अध्यक्ष कमल अर्यालले कार्यक्रमबाट भएको मुनाफाको केही प्रतिशत ब्लड बैंकको भवन निर्माणलाई सहयोग गर्ने र केही रकम चाडवाडको मुखमा खान लाउन समेत नसक्ने गरिव, असहायलाई सहयोग गर्ने उद्देश्यले कार्यक्रम गर्न लागेको बताउनुभएको थियो।
कार्यक्रममा चर्चित गायक नितेशजंग कुँवर र संमृदी राईले बिशेष प्रस्तुती दिनेछन भने स्थानीय कलाकार तथा चक्र ब्याण्डको समेत प्रस्तुती रहने क्लबका सचिव युवराज भट्टराई जानकारी गराए।
रोट्रयाक क्लव अफ तिलोत्तमा यही वर्ष स्थापना भई छोटो समयमा लोकप्रिय बन्दै विभिन्न प्रकारका गतिविधि सञ्चालन गरी सामाजिक क्षेत्रमा क्रियाशिल हुँदै आएको छ।
