काठमाडौं । उदयपुरको दुई छुट्टा छुट्टै स्थानबाट प्रतिबन्धित लागुऔषध सहित ३ जनालाई प्रहरीले पक्राउ गरेको छ । शनिबार साँझ जिल्ला प्रहरी कार्यालय उदयपुरबाट खटिएको प्रहरी टोलीले श्रीपुरका २१ वर्षीय खैरुल वासरलाई लागु औषधसहित पक्राउ गरेको हो ।
वासरलाई चेकजाँच गर्दा निजको साथबाट २० ग्राम ९० मिलिग्राम लागुऔषध ब्राउन सुगर फेला पारी नियन्त्रणमा लिएको जिल्ला प्रहरी कार्यालय उदयपुरले जनाएको छ ।
प्रहरीको सोही टोलीले शनिबार साँझ नै १६ ग्राम ४ सय ७० मिलिग्राम लागुऔषध ब्राउन सुगरसहित सप्तरीका २७ वर्षीय बेचन मण्डल र ३२ वर्षीय जितेन्द्र मुखियालाई प्रहरीले नियन्त्रणमा लिएको हो । पक्राउ परेकाबारे प्रहरीले थप अनुसन्धान अघि बढाएको जनाएको छ ।
यो समाचार पढेर हजुरले कस्तो महसुस गर्नुभएको छ ??
