नवलपरासी – नवलपरासी (बर्दघाट सुस्तापूर्व) नवलपुरको देवचुलीमा जीप दुर्घटना हुँदा ६ जनाको मृत्यु भएको छ । आज बिहान साढे एघार बजेको समयमा जिल्लाको पहाडीक्षेत्र बौदिकाली गाउँपालिकाबाट दलदलेका लागि छुटेको लु १ ज ३२७० नम्बरको जीप देवचुली नगरपालिका–९ को गोरेघुम्तीमा दुर्घटना हुँदा छ जनाको ज्यान गएको जिल्ला प्रहरी कार्यालय नवलपरासी पूर्व नवलपुरले जनाएको छ । दुर्घटनामा परि एक जना घाईते भएका छन । जीपमा ७ जना सवार रहेको प्रहरीको भनाई छ ।
जीप अनियन्त्रित भएर घरको भित्तामा ठोक्किन पुगेको प्रहरीको भनाई छ घटनाको थप विवरण आउन र मृतकको परिचय खुल्न बाँकी छ ।
यो समाचार पढेर हजुरले कस्तो महसुस गर्नुभएको छ ??
