एजेन्सी ।
किलियान एम्बाप्पेको ह्याट्रिकको मद्दतले रेम्सलाई हराउँदै पेरिस सेन्ट जर्मेन लिग वानको शीर्ष स्थानमा उक्लिएको छ । शनिबार भएको खेलमा पीएसजी ३–० गोलले विजयी बनेको हो ।
खेलको तेस्रो मिनेटमा नै टोलीलाई अग्रता दिलाएका एम्बाप्पेले दोस्रो हाफको ५९ औँ मिनेटमा दोस्रो गोल गरे। ८२ औँ मिनेटमा अर्को गोल थप्दै उनले ह्याट्रिक पुरा गरे। रेम्सका जुन्या इटोले पहिलो हाफमा गोल गरे पनि त्यसलाई अफसाइड करार गर्दै रद्द गरिएको थियो । पीएसजीका गोलकिपर जियानलुइजी डोनारुमाले विपक्षी टोलीका थुप्रै प्रयास विफल बनाएका थिए ।
जीतपछि पीएसजीले निसलाई एक अङ्कले उछिन्दै शीर्ष स्थानमा उक्लेको छ । १२ खेलपछि निसको २६ अङ्क रहेको छ भने पीएसजीको समान खेलबाट २७ अङ्क छ।
यो समाचार पढेर हजुरले कस्तो महसुस गर्नुभएको छ ??
