एजेन्सी ।
इजरायली आक्रमणका कारण अत्यावश्यक वैकल्पिक जेनेरेटरहरू समेत सञ्चालन गर्न इन्धनको अभाव भएपछि उत्तरी गाजा पट्टीमा प्यालेस्टिनी अस्पतालहरूले सेवा बन्द गरेका छन् ।
‘इजरायली आक्रमण र इन्धन सकिएका कारण अल–अहली अस्पतालबाहेक सबै अस्पतालहरू सेवा प्रदान गर्न असमर्थ भएका छन्’, स्वास्थ्य मन्त्रालयका प्रवक्ता अशरफ अल–केद्राले उल्लेख गर्नुभएको छ ।
अल–शिफा मेडिकल अस्पतालमा जेनेरेटर अभावका कारण पाँच नवजात शिशु र सात अन्य बिरामीको ज्यान गएको मन्त्रालयका प्रवक्ताले बताउनुभएको छ । मिर्गौला डायलासिसका बिरामीको उपचार गर्न नसक्दा थुप्रै बिरामीको ज्यान जान सक्ने अवस्था रहेको पनि उहाँले उल्लेख गर्नुभएको छ ।
आइतवार प्यालेस्टिनी रेड क्रिसेन्ट सोसाइटी (पीआरसीएस) ले गाजा सहरको अल–कुड्स अस्पतालले इन्धन अभाव र बिजुली कटौतीका कारणले सञ्चालन बन्द गरेको बताएको छ ।
यो समाचार पढेर हजुरले कस्तो महसुस गर्नुभएको छ ??
