एजेन्सी ।
क्रोएसिया जर्मनी हुने युरो २०२४ का लागि स्वतः छनोट हुने अन्तिम टोली बनेको छ । अर्मेनियालाई १–० ले हराउँदै क्रोएसियाले प्रतियोगितामा आफ्नो स्थान सुरक्षित गरेको हो । जीतसँगै टोली समूह डीमा टर्कीपछि दोस्रो स्थान रहन सफल भयो । उता, टर्कीसँग बराबरी खेलेपछि वेल्स भने अब प्लेअफको चरणबाट पार गर्नुपर्ने भएको छ ।
खेलको ४३ औँ मिनेटमा एन्टे बुडिमिरले गरेको एकमात्र गोल खेलमा निर्णायक बन्यो । टोली सन् २००४ देखि लगातार युरोपियन च्याम्पियनसिपमा छनोट हुँदै आइरहेको छ । युरो २०२४ को ड्र आगामी डिसेम्बर २ मा हुनेछ ।
यो समाचार पढेर हजुरले कस्तो महसुस गर्नुभएको छ ??
