रुपन्देही ।
रुपन्देहीको कञ्चन गाउँपालिका वडा नं. ३ मा अवस्थित हरैया बहुमुखी क्याम्पसमा कविता लेखन तथा वाचन प्रतियोगिता सम्पन्न भएको छ । ´ फूल ` शीर्षकमा प्रतियोगी विद्यार्थीलाई कविता लेख्न र वाचन गर्न लगाइएको थियो ।
प्रतियोगितामा बि.एड. चौँथो वर्षका रेखा प्रजापति प्रथम, बि.एड. तेस्रो वर्षका हरिकुमारी थारु द्वितीय , बि.एड. तेस्रो वर्षकै जीवनकुमार धवल तृतीय र बि. एड. प्रथम वर्षका राजनन्दनी हरिजनले सान्त्वना स्थान प्राप्त गर्न सफल भएका छन । कार्यक्रममा आफ्नो विचार राख्दै शिक्षाशास्त्र विभाग प्रमुख विनोद पौडेलले यस्तै खालका प्रतियोगितामा सहभागी हुँदा विद्यार्थीको प्रतिभामा अझै निखार आउने उल्लेख गर्नुभएको थियो ।
१६ जना प्रतियोगी सहभागी कार्यक्रम शिक्षाशास्त्र विभाग प्रमुख विनोद पौडेलको अध्यक्षता , शिक्षक केबि धुवाँलेको सञ्चालन र प्राध्यापक तथा विद्यार्थीहरुको उपस्थितिमा सम्पन्न भएको हो ।
