गुल्मी ।
गुल्मीमा बसले मोटरसाइकललाई ठक्कर दिँदा एक विद्यार्थीको मृृत्यु भएको छ । जिल्ला प्रहरी कार्यालय गुल्मीका अनुसार ज्यान जानेमा रेसुङ्गा नगरपालिका–४ सेउघाका १९ वर्षीय विवेक झाँक्री मगर रहेका छन ।
आज सोमवार बिहान सदरमुकाम तम्घासमा रहेकाे विद्यालयबाट घर जाने क्रममा रेसुङ्गा–४ अर्खलेमा लु ८७ प ९८१ नम्बरको मोटरसाइकललाई विपरीत दिशावाट सदरमुकाम तम्घास आउँदै गरेको लु १ ख ९४७५ नम्बरको बसले ठक्कर दिएको थियो । बसको ठक्करबाट गम्भीर घाइते भएका मगरको उपचारका क्रममा गुल्मी अस्पताल तम्घासमा ज्यान गएकाे प्रहरीले जनाएको हो । ठक्कर दिने बसका चालकलाई प्रहरीले नियन्त्रणमा लिएको छ ।
यो समाचार पढेर हजुरले कस्तो महसुस गर्नुभएको छ ??
