देवदह। रुपन्देहीको देवदहमा संचालित प्रथम मिडिया कप ‘सेभेन-ए साइड’ फुटबल प्रतियोगिताको उपाधी देवदह प्रेस क्लबले जितेको छ। फाईनल खेलमा बुद्ध सामुदायिक टेलीभिजनलाई हराउदै देवदह प्रेस क्लबले प्रतियोगिताको उपाधी जितेको हो।
आईतवार भएको फाईनल खेलमा देवदह प्रेस क्लबले बुद्ध सामुदायिक टेलीभिजनलाई ४-० को अन्तरले पराजित गरेको छ । देवदह प्रेस क्लबका जर्सी नं १० का किशोर पाठकले २ गोल , जर्सि नं ७ का पवन पौडेलले १ गोल र जर्सि नं ६ का लक्ष्मण न्यौपानेले १ गोल गरेका थिए।
जित संगै देवदह प्रेस क्लबले नगद ५१ हजार १११ रुपैयाँ राशी सहित कप, मेडल र प्रमाणपत्र प्राप्त गरेको छ। उपविजेतामा चित्त बुझाउनु परेको बुद्ध सामुहिक टेलिभिजनले नगद ३१ हजार १११ रुपैयाँ सहित मेडल र प्रमाणपत्र प्राप्त गरेको छ। प्रतियोगिताको उत्कृष्ट खेलाडीको रुपमा बुद्ध टेलीभिजनका रोहित चौधरी, सर्वाधिक गोल कर्ता जयकेश हरिजन चयन भएका थिए।
देवदह प्रेस क्लबको आयोजनामा भएको प्रथम देवदह मिडिया कप फुटबल प्रतियोगितामा लुम्बिनी प्रदेशका १२ टिम सहभागिता रहेको थियो। विजेता खेलाडीहरुलाई एक कार्यक्रमका बिच लुम्बिनी प्रदेशका समाजिक विकास मन्त्री चन्द्रकेश गुप्ता, पत्रकार महासंघ रुपन्देहीका रामराज पोखरेल,बुद्ध सामुदायिक वनका अध्यक्ष टेक बहादुर राना लगाएतले शिल्ड मेडल र प्रमाणपत्र प्रदान गरेका थिए। देवदह प्रेस क्लबका अध्यक्ष विष्णु पोखरेलको अध्यक्षतामा कार्यक्रम सम्पन्न भएको थियो।
