काठमाडौं ।
त्रिभुवन अन्तर्राष्ट्रिय विमानस्थलबाट झण्डै ७ किलो सुन बरामद भएको छ । शनिबार राति ६ किलो ५ सय ६५ ग्राम सुनसहित तीन जना विदेशी नागरिक पक्राउ गरिएको विमानस्थल प्रहरी कार्यालयले जनाएको हो ।
पक्राउ पर्नेमा इजिप्टका सेरिप मोहम्मद तथा दुई सुडानी नागरिक ओस्मान अलावेद इब्राहीम र मोहम्मद उस्मान रहेका छन् । विमानस्थलबाट गत बिहीबार राति पनि फ्लाइ दुबईको उडानबाट आएका दुई जनालाई १४ किलो सुनसहित पक्राउ गरिएको थियो ।
यो समाचार पढेर हजुरले कस्तो महसुस गर्नुभएको छ ??
