रुपन्देहीको कञ्चन गाउँपालिका – ०३ मा अवस्थित हरैया बहुमुखी क्याम्पसमा व्यवस्थापन सङ्कायमा अध्ययनरत विद्यार्थीका अभिभावकहरुको भेला सम्पन्न भएको छ । `Public relation and information management cell´ का संयोजक दीपक भुसालको अध्यक्षता कार्यक्रम संचालन भएको हो ।
अभिभावकका तर्फबाट टेकनारायण पौडेल , चुडामणि सुवेदी , फटिक पौडेल, देवी केसी लगायतले आफ्ना धारणा राख्दै महत्त्वपूर्ण सुझाव दिनुभएको थियोे भने क्याम्पस प्रमुख प्रकाश खनालले अभिभावकका गुनासाहरुको सम्बोधन गर्दै उपस्थित अभिभावकलाई धन्यवाद ज्ञापन गर्नुभएको थियो ।
क्याम्पस प्रमुख प्रकाश खनालको प्रमुख आतिथ्यता , व्यवस्थापन सङ्काय प्रमुख मदन सुवेदीको स्वागत तथा लेखापाल कपिलमणि पौडेलको सञ्चालनमा सम्पन्न कार्यक्रममा झण्डै ८० जनाभन्दा बढी अभिभावकको उपस्थिति रहेको थियो ।
यो समाचार पढेर हजुरले कस्तो महसुस गर्नुभएको छ ??
