बुटवल ।
बुटवलमा जारी लुम्बिनी एक्स्पो–२०८०, अन्तर्राष्ट्रिय व्यापार मेलामा दर्शकहरुको घुइचाे लाग्न थालेकाे छ । मेला आयोजक रुपन्देही व्यापार संघका अनुसार पुस ५ गतेदेखि सञ्चालित मेलामा गत शनिवार देखी दर्शक अवलाेकनकर्ताहरूकाे सहभागिता उल्लेख्य देखिएको गेट टिकट संयाेजक दिपक अधिकारीले जानकारी दिनुभयाे ।
सोमबारसम्म करिव एक लाख पचास हजार भन्दा बढी दर्शकले मेला अवलोकन गरेको मेला आयोजक मूल समितिका संयोजक एवं संघका अध्यक्ष कृष्णप्रसाद घिमिरेले जानकारी दिनुभयाे। साेमबार मात्रै करिव ५० हजार दर्शक भित्रिएकाे टिकट संयाेजक दिपक अधिकारीले जनाउनु भयाे ।
विशेषगरी मेलाको सांस्कृतिक कार्यक्रमतर्फ दर्शकहरुको आकर्षण बढ्दै गएको सांस्कृतिक कार्यक्रम संयोजक प्रकाश पौडेलले जानकारी दिनुभयाे । साँझकाे चिसाेमा समेत दर्शकहरू सांस्कृतिक कार्यक्रममा झुम्ने गरेकाे संयाेजक पाैडेलले भन्नुभयाे ।
