एजेन्सी ।
दक्षिण अफ्रिकाले इजरायलले गाजामा ‘नरसंहार’ गरेको आरोप लगाउँदै अन्तर्राष्ट्रिय अदालत (आईसीजे) मा मुद्दा दायर गरेको छ। आईसीजेले ‘जेनोसाइड कन्भेन्सन’ अन्तर्गत इजरायलको दायित्वको कथित उल्लङ्घनसँग सम्बन्धित मुद्दा दायर गरेको पुष्टि गरेको हो।
तर, इजरायलले यो आरोपलाई ‘निराधार’ भन्दै कडाइका साथ अस्वीकार गरेको छ। इजरायलको विदेश मन्त्रालयले दक्षिण अफ्रिकाले लगाएको यो आरोपलाई इजरायलले अस्वीकार गरेको जनाएको छ । नेदरल्याण्डको द हेगमा रहेको आईसीजे संयुक्त राष्ट्र संघको प्रमुख कानुनी निकाय हो। यसले विभिन्न देशहरू बीचको विवादहरू समाधान गर्दछ र अन्तर्राष्ट्रिय कानुनी मुद्दाहरूमा सल्लाह दिन्छ।
आफ्नो आवेदनमा दक्षिण अफ्रिकाले आईसीजेलाई अर्को हप्ता सुनुवाइ गर्न माग गरेको छ। इजरायली विदेश मन्त्रालयका प्रवक्ता लियोर हयातले दक्षिण अफ्रिकाको दाबीलाई ‘अदालतको घृणित र अपमानजनक शोषण’ भएको बताएका छन्।
