काठमाडौं ।
त्रिभुवन विमानस्थलमा आधा किलो सुनसहित एक जना पक्राउ परेका छन । कार्यालयको टोलीले कतारको दोहाबाट नेपाल आएका झापाका खगेन्द्र दर्जीलाई ४ सय ९९ ग्राम सुनसहित आईतवार दिउँसो विमानस्थलबाट पक्राउ गरेको हो । कतारको दोहाबाट तरल पदार्थ बनाएर तस्करी गरी ल्याएको सुनसहित दर्जीलाई पक्राउ गरेको कार्यालयका प्रमुख डा. टोकराज पाण्डेले जानकारी दिनुभयो ।
बरामद भएको सुन दर्जी आफैँले ल्याएका हुन् या सुन ल्याइदिनका लागि उनी कसैको भरिया भएका हुन् भन्नेबारेमा अनुसन्धान भइरहेकाे पाण्डेकाे भनाइ छ ।
यो समाचार पढेर हजुरले कस्तो महसुस गर्नुभएको छ ??
