एजेन्सी ।
इन्डोनेसियाको बालीमा भ्यालेन्टाइन डे अर्थात् फेब्रुअरी १४ देखि विदेशी पर्यटकहरूले १० डलर प्रवेश कर तिर्नुपर्नेछ । इन्डोनेशियाली अधिकारीहरूका अनुसार टापुको वातावरण र संस्कृतिलाई जोगाउन यस्तो कदम चालिएको हो । बाली सुन्दर समुद्री तट, मनमोहक दृश्यका लागि बढी चर्चित छ । गएको वर्ष जनवरीदेखि नोभेम्बरको बिचमा करिब ४८ लाख पर्यटक बाली घुम्न गएको सरकारी तथ्याङ्कले देखाएको थियो । पर्यटक करको घोषणा पहिलो पटक गएको वर्ष गरिएको थियो । तर यो बुधवारदेखि कार्यान्वयनमा आयो ।
यो कर विदेशबाट आएका वा देशका अन्य हिस्साबाट बाली छिर्ने पर्यटकहरूमा लागू हुनेछ । घरेलु पर्यटकहरूले यो कर तिर्नुपर्दैन । आइपुग्नु अघि नै पर्यटकहरूलाई यो कर तिर्न भनिएको छ । कोभिडको महामारी पूर्व बालीको कूल जीडीपीमा पर्यटन क्षेत्रको योगदान ६० प्रतिशत आसपास थियो ।
यो समाचार पढेर हजुरले कस्तो महसुस गर्नुभएको छ ??
