एजेन्सी ।
अजमेरको टाडा अदालतले सन् १९९३ मा देशका पाँच सहरमा भएका शृङ्खलाबद्ध बम विस्फोटको मुद्दामा बिहीबार आफ्नो फैसला सुनाएको छ । यस मुद्दामा अदालतले अब्दुल करिम टुन्डालाई सफाइ दिएको छ भने अन्य दुई जना हमेदुद्दीन र इरफानलाई आजीवन कारावासको सजाय सुनाएको हो ।
श्रृङ्खलाबद्ध बम विस्फोटका मुख्य अभियुक्त भनिएका टुन्डा अजमेरको उच्च सुरक्षा कारागारमा बन्द छन् । सन् २०१३ मा नेपाल-भारतसीमाबाट पक्राउ परेपछि उनलाई गाजियाबाद जेलमा राखिएको थियो, जहाँबाट उनलाई अजमेर जेलमा सारिएको थियो । उनलाई कडा सुरक्षामा बिहीबार बिहान अदालतमा ल्याइएको थियो । यस क्रममा उनी ह्वील चेयरमा बसेको देखिए ।
यो समाचार पढेर हजुरले कस्तो महसुस गर्नुभएको छ ??
