बुटवल ।
आज बिहान त्रिशुली नदीमा बस खस्दा ६ जनाको ज्यान गएको छ । ज्यान गुमाउनेमा पाँच पुरुष र एक महिला छन् । दुर्घटनामा परेका ३८ जना यात्रुको उद्धार गरिएको छ । सात जनालाई थप उपचारकाे लागि काठमाण्डाै लगिएकाे छ भने गजुरी प्राथमिक स्वास्थ्य केन्द्र र गजुरी अस्पतालमा उपचार भैरहेको धादिङ प्रहरीले जानकारी गराएको छ ।
कपिलवस्तुबाट काठमाण्डौका लागि छुटेको लु२ख २१२१ नम्बरको बस बिहान ४ बजेर ४० मिनेट जाँदा धादिङको गजुरी गाउँपालिका–५ घाटबेँसीमा दुर्घटना भएको हो । बसमा ५१ जना रहेको बताईएको छ ।
जिल्ला प्रहरी कार्यालय धादिङका अनुसार एक महिलासहित ६ जनाको शव फेला परेको छ। ज्यान गुमाउनेको परिचय खुल्न सकेको छैन ।
यो समाचार पढेर हजुरले कस्तो महसुस गर्नुभएको छ ??
