काठमाण्डौ ।
सुनको भाउमा आज पनि वृद्धि भएको छ । हिजो २ हजार बढेर नयाँ रेकर्ड कायम गरेको सुनको भाउले हिजोको रेकर्ड तोडेर आज नयाँ रेकर्ड कायम गरेको छ । नेपाल सुनचाँदी व्यवसायी महासङ्घका अनुसार आज सुनको भाउ ५ सय रुपैयाँले बढ्दै प्रतितोला एक लाख २३ हजार ५ सय रुपैयाँ पुगेको छ । जुन अहिलेसम्मकै उच्च भाउ हो ।
यसअघि हिजो सुन तोलाको एक लाख २३ हजार रुपैयाँमा कारोबार भएको थियो । अन्तर्राष्ट्रिय बजारमा सुनको मुल्य बढेसँगै नेपालमा पनि बढ्ने नेपाल सुनचाँदी व्यवसायी महासङ्घले जनाएको छ ।
यस्तै चाँदीको भाउ भने आज घटेको छ । हिजो तोलामा एक हजार चार सय ४५ रुपैयाँ रहेको चाँदी आज ५ रुपैयाँले घटेर एक हजार चार सय ४० रुपैयाँमा कारोबार भैरहेको छ ।
यो समाचार पढेर हजुरले कस्तो महसुस गर्नुभएको छ ??
