एजेन्सी ।
बलिउड अभिनेता अनुपम खेरले बिहीबार आफ्नो ६९ औँ जन्मदिन मनाइरहेका छन् । यस अवसरमा उनले आफ्नो आगामी चलचित्र ‘तन्वीः द ग्रेट’को घोषणा गरेका छन् । यस फिल्मबाट अनुपम २२ वर्षपछि निर्देशनमा फर्किन लागेका हुन् । बिहीबार सामाजिक सञ्जालमा उनले एक भिडियो सेयर गरेका छन् । भिडियो सेयर गर्दै उनले लेखेका छन्, ‘तान्वीः द ग्रेट’ आज आफ्नो जन्मदिनमा गर्वका साथ चलचित्रको नाम घोषणा गर्दछु, यो चलचित्रको निर्देशन मैले आफै गर्ने निर्णय गरेको छु ।’ उनले भिडियोमा आमाको आशीर्वाद लिइरहेको देखिएको छ ।
अनुपमले आफ्नो करियरमा विभिन्न भाषाका ५ सयभन्दा बढी चलचित्रमा काम गरेका छन् । तर निर्देशकका रूपमा उनले अहिलेसम्म एउटा मात्र चलचित्र निर्देशन गरेका छन् । सन् २००२ मा उनले निर्देशन गरेको अनिल कपुर, अभिषेक बच्चन र फरदीन आन अभिनीत ‘ओम जय जगदीश’ चलचित्र नराम्रोसँग फ्लप भएको थियो । त्यसयता उनी निर्देशनबाट टाढै रहँदै आएका थिए।
–दैनिक भास्कर
