देवदह ।
रुपन्देहीको देवदह – ७ मा अवस्थित सगरमाथा आवासीय माविले एसइई परिक्षाको तयारीमा रहेका विद्यार्थीहरुलाइ विदाइ गरेको छ । बुधवार विद्यालयमा शुभकामना तथा सम्मान कार्यक्रमसहित कक्षा ९ मा पढ्ने विद्यार्थीले एसइई दिने विद्यार्थीलाई विदाई गरेका हुन ।
शुभकामना कार्यक्रममा बोल्दै विद्यालयका प्राचार्य कृष्ण प्रसाद पौडेलले एसईई परिक्षामा सहभागी हुने विद्यार्थीहरुलाई शुभकामना दिए । उनले मानिसको जीवनमा पढाईसंगै अनुशासन, संस्कार र संस्कृति महत्वपुर्ण हुने बताए ।
सगरमाथाबाट उत्तिर्ण हुने विद्यार्थीहरु नेपाल सरकारको विभिन्न स्थानमा रहेकाले र पढाईको लागि देश बाहिर गएर पनि निकै राम्रो नतिजा ल्याउन सफल भएको उल्लेख गर्दै उनले राम्रो नतिजा आउनेमा आफु विश्वस्त रहेको बताए ।
कार्यक्रम सगरमाथा आवासीय माध्यमिक विद्यालयका कक्षा ९ मा अध्यनरत विद्यार्थी रिलिज जिसीको अध्यक्षतामा, कक्षा ९ कि छात्रा एलिसा थापाको स्वागत र कक्षा ९ का विद्यार्थीहरु अंकिता खनाल र आशिष अर्यालको संचालनमा सम्पन्न भएको थियो ।
