एजेन्सी ।
चर्चित भारतीय युट्युबर तथा बिग बोसका विजेता एल्भिश यादवले आफ्नो अपराध स्वीकार गरेका छन् । रेभ पाटीमा सर्पको विष सप्लाई गर्ने गरेको आरोप उनले स्वीकार गरेका हुन् । यादवलाई आइतबार १४ दिनका लागि न्यायिक हिरासतमा पठाइएको थियो । नोएडा पुलिसको टोलीले आइतबार उनलाई सोधपुछका लागि बोलाएको थियो ।
यस मामिलामा दोषी भेटिएमा एल्भिसलाई २० वर्षसम्मको सजाय हुन सक्नेछ । उनलाई जरिवाना पनि गरिने जनाइएको छ ।
सामाजिक सञ्जालमा प्रहरीलाई दिएका थिए खुल्ला चुनौती
फरेन्सिक रिपोर्ट पोजेटिभ आएपछि एल्भिसले प्रहरीलाई खुल्ला चुनौती दिएका थिए । उनले एक भिडियो जारी गर्दै आफू रेभ पार्टीमा थिएँ भनेर प्रमाणित गर्न प्रहरीलाई चुनौती दिएका थिए ।
यसपछि प्रहरीले अनुसन्धानलाई तीव्रता दिएको थियो । प्रहरीका अनुसार फेब्रुअरीमा एल्भिसले युट्युबमा १३ मिनेट ३४ सेकेन्डको भिडियो सार्वजनिक गरेका थिए । भिडियोमा एल्भिसले रेभ पार्टीमा सर्पको विष सप्लाई गर्नेबारे कुरा गरेका थिए ।
