रुपन्देही ।
देवदह बुद्ध पव्लिक आवासीय माध्यमिक विद्यालयले कक्षा १२ मा अध्यनरत विद्यार्थीहरुलाई विदाई कार्यक्रम सम्पन्न गरेको छ । शनिबार एक कार्यक्रमका बीच कक्षा ११ मा अध्यनरत विद्यार्थीहरुले माध्यामिक तह परिक्षाको तयारीमा बसेका विद्यार्थीहरुलाई विदाइ गरेका हुन् ।
कार्यक्रममा बोल्दै प्रमुख अतिथि तथा देवदह नगरपालिकाका प्रमुख प्रशासकीय अधिकृत कृष्ण प्रसाद सापकोटाले विद्यार्थीको जीवनमा सबैभन्दा महत्त्वपूर्ण कुरा अनुशासन रहेको बताउदै उहाले माध्यमिक तह परिक्षा सकिएपछि स्नातक तहमा पनि आफ्नो रुचि अनुसारको विषय लिएर पढेंमा प्रभावकारीता देखिने बताउनु भएको थियो ।
कार्यक्रममा प्याब्सन देवदहका अध्यक्ष राम बहादुर गुरुङ, विद्यालय व्यवस्थापन समितिका अध्यक्ष जयकिसन अधिकारी, विद्यालयका प्रधानाध्यापक कृष्ण प्रसाद गैरे लगायतले आ-आफ्ना भनाई राख्नु भएको थियो । कक्षा ११ को संयोजकत्वमा आयोजना भएको उक्त कार्यक्रममा विद्यार्थी अनिशा पौडेलको अध्यक्षता, विद्यार्थी आदर्श बस्यालको स्वागत तथा सोही कक्षाका विद्यार्थीहरु अंकित घिमिरे र निर्मा मगरको सञ्चालनमा कार्यक्रम सम्पन्न भएको थियो ।
