देवदह । रुपन्देहीको देवदहमा संचालित वडास्तरीय खुल्ला पुरुष भलिवल प्रतियोगिताको उपाधी न्यू देवदह भलिवल क्लव देवदह–७, ले हात पारेको छ ।
प्रतियोगिताको फाईनल खेलमा चरेङ्गे भलिवल क्लव देवदह–१०, लाई सोझो सेटमा हराउदै न्यू देवदह भलिवल क्लव देवदह–७, ले उपाधी हात पारेको हो । फाईनल खेलमा चरेङ्गे भलिवल क्लव देवदह–१०, लाई २५–२२, २५–२३, २५–२३ मा हराउदै न्यू देवदह भलिवल क्लवले नगद ४१ हजार, ट्रफी प्राप्त गरेको छ ।
प्रतियोगितामा उपविजेता बनेको चरेङ्गे भलिवल क्लवले नगद ३१ ह्जार र ट्रफी प्राप्त गरेको छ । प्रतियोगिता अन्र्तगत भएको सेमिफाईनल खेलमा न्यू देवदह भलिवल क्लव देवदह–७ स्याङ्गजा पिढीखोलालाई हराउदै फाईनलमा प्रवेश गरेको थियो । यसैगरी चरेङ्ग भलिबल क्लवले देवदह–५, लाई हराउदै फाईनलमा प्रवेश गरेको थियो । प्रतियोगिता अन्र्तगत स्याङ्ग पिढी खोलालाई हराउदै देवदह–५, तृतिय भएको छ । खेलमा २५–२३, १५–१३, मा दुई सेट जित्दै देवदह–५, तृतिय हुदै नगद २१ ह्जार, ट्रफी प्राप्त गरेको छ । तृतियको लागि भएको खेलमा २५–१५ मा एक सेट जित्दै स्याङ्ग पिढी खोला सान्त्वना हुदै नगद ७ हजार प्राप्त गरेको खेल संयोजक मिलन मास्की रानाले जानकारी दिनु भयो । प्रतियोगितामा विद्यागत समेत खेलाडीलाई पुरस्कृति गरिएको थियो ।
स्वतन्त्र भूतपुर्वक सैनिक कल्याणकारी परिवार देवदहको आयोजना र देवदह नगरपालिकाको सहयोगमा उक्त प्रतियोगिता भएको हो । प्रतियोगितामा विजेता खेलाडीहरुलाई देवदह नगरपालिकाका उपप्रमुख विद्यालक्ष्मी गुरुङ्गले पुरस्कार प्रदान गर्नु भएको थियो । स्वतन्त्र भूतपुर्वक सैनिक कल्याणकारी परिवार देवदहका अध्यक्ष विनोदकुमार गुरुङ्गको अध्यक्षता उपप्रमुख विद्यालक्ष्मी गुरुङ्गको प्रमुख आतिथ्यतामा प्रतियोगिता सम्पन्न भएको हो ।
